Erdogan pranon fitoren e kandidatit të opozitës në Stamboll

20:44 | 18 Prill 2019
A. B.

Presidenti turk Rexhep Tajip Erdogan ka bërë sot një deklaratë të “papritur”, duke pranuar humbjen e partisë së tij në Stamboll dhe duke njohur fitoren e Ekrem Imamoglu në Stamboll.

Erdogan duke folur në Ankara në një konferencë sindikale tha se ethet e zgjedhjeve mbaruan, njerëzit janë nëpër shtëpi dhe ata po shijojnë jetën e tyre tashmë.

Kjo deklaratë e Erdoganit ka bërë që të shuhen zërat se presidenti mund të ushtronte presion mbi Kolegjin e Lartë Elektoral për të kthyer situatën në favor partisë të udhëhequr nga kreu i shtetit turk, shkruajnë mediat e huaja.

Sipas të dhënave zyrtare në fund të rinumërimit, kandidati i opozitës Ekrem Imamoglu, kryesonte me 13 729 vota më shumë ndaj ish-kryeministrit Binali Yildirim.